Përshkrimi

Inxhinieri është përgjegjës për matjen e saktë dhe dokumentimin e punimeve të kryera në kantier, për përgatitjen dhe kontrollin e situacioneve mujore të nënkontraktorëve, si dhe për llogaritjen e preventivave të nevojshme gjatë zbatimit të projektit.

Puna e tij siguron që çdo pagesë dhe kosto të bazohet në sasi reale, të verifikuara dhe në përputhje me kontrata

Detyrat

1. Hartimi dhe mbajtja e librezave të masave

• Mat në terren punimet e kryera, bashkë me përgjegjësin e zbatimit dhe kur kërkohet, me mbikëqyrësin e punimeve.
• Harton librezat e masave sipas zërave të preventivit të kontratës, me skica, përmasa dhe llogaritje të detajuara për çdo zë.
• Mban librezat të përditësuara, të numëruara dhe të nënshkruara nga palët përkatëse.
• Mban të ndara masat për punimet shtesë, ndryshimet dhe punimet e paparashikuara.
• Verifikon sasitë e projektit me sasitë reale dhe evidenton diferencat.

2. Situacionet mujore të nënkontraktorëve

• Mbledh dhe kontrollon situacionet mujore të paraqitura nga nënkontraktorët.
• Verifikon sasitë e deklaruara me librezat e masave dhe me gjendjen faktike në kantier.
• Kontrollon zbatimin e çmimeve njësi sipas kontratës së nënkontraktorit.
• Llogarit vlerën e situacionit: punimet e muajit, vlerën progresive, mbajtjet e garancisë, zbritjet e paradhënieve, penalitetet dhe zbritjet për materiale ose shërbime të dhëna nga kompania.
• Përgatit situacionet përfundimtare dhe aktet e rakordimit me nënkontraktorët.
• Mban regjistër të situacioneve të konfirmuara dhe të mbetjeve kontraktuale për çdo nënkontraktor.

3. Llogaritja e preventivave

• Harton preventiva për punime shtesë, ndryshime projekti dhe punime të paparashikuara.
• Përgatit analiza teknike të çmimeve për zërat që nuk ekzistojnë në kontratë, duke përdorur manualet zyrtare të çmimeve të ndërtimit dhe çmimet aktuale të tregut.
• Llogarit nevojat për materiale apo fuqi punëtore për fazat e ardhshme të punimeve, kur kërkohet.
• Kryen preventiva për kosto të brendshme (punime ndihmëse, kantier, struktura të përkohshme etj.).

4. Kontrolli i kostove dhe raportimi

• Ndjek konsumin e materialeve dhe e krahason me normat teknike apo specifikat e projektit.
• Kontribuon në përgatitjen e kërkesave për variante kontrate dhe zgjatje afatesh.

Detyra të tjera

• Merr pjesë në mbledhjet e kantierit dhe me mbikëqyrësin.
• Studion projektin, specifikimet teknike dhe kontratat për të njohur kushtet e matjes dhe të pagesës.
• Ndihmon në organizimin e punimeve dhe në kontrollin e cilësisë, kur kërkohet.
• Kryen detyra të tjera të lidhura me profesionin, të ngarkuara nga projekt menaxheri.

Kualifikimet

Kualifikimet e kërkuara

• Diplomë Master në Inxhinieri Ndërtimi (ose fusha të përafërta: hidroteknikë, rrugë-ura, infrastrukturë).
• Përvojë pune minimumi 3 vjet në kantier, konkretisht në hartimin e librezave të masave, situacioneve dhe preventivave.
• Njohje e mirë e legjislacionit shqiptar për ndërtimin, si dhe e manualeve të çmimeve të ndërtimit.

Aftësitë e kërkuara

• Njohje shumë e mirë e Excel-it: formula të avancuara, tabela llogaritëse për sasi, situacione progresive dhe preventiva.
• Njohje shumë e mirë e AutoCAD-it: lexim i projekteve, nxjerrje e masave nga vizatimet dhe përgatitje e skicave për librezat e masave.
• Njohje e programeve për preventiva dhe kontrollin e kostove (përbën avantazh).
• Saktësi e lartë në llogaritje dhe dokumentim.
• Aftësi negocimi dhe komunikimi me nënkontraktorët dhe stafin teknik në kantier.
• Aftësi për të punuar me afate dhe nën presion.
• Patentë drejtimi (përbën avantazh).

Shënime

Të intëresuarit të dergojn Cv në adresën e e-mailit [email protected] me subjekt: Inxhinier kantieri.

Të dhënat tuaja do të ruhen sipas Ligjit 124/2024 për mbrojten e të dhënave përsonale!