Përshkrimi

Union Bank prej 20 vitesh operon me sukses në tregun bankar shqiptar, e konsoliduar si një institucion i sigurt, i qëndrueshëm dhe me performancë të shkëlqyer. Përmes një rrjeti të gjerë prej 34 degësh dhe 76 ATM-sh të shpërndara në qytetet kryesore të vendit, banka u ofron mbi 150,000 klientëve një shërbim profesional dhe të besueshëm. Që nga fillimi i aktivitetit në vitin 2006, Union Bank ka njohur rritje të vazhdueshme, duke arritur sot mbi 100 miliardë lekë në total asete.

Ne promovojmë një kulturë pune të bazuar në diversitet, gjithë përfshirje dhe mundësi të barabarta zhvillimi, ku secili anëtar i ekipit vlerësohet si pjesë thelbësore e suksesit tonë. Union Bank investon vazhdimisht në trajnimin dhe zhvillimin profesional të punonjësve, me misionin për të garantuar një eksperiencë bankare të shkëlqyer për klientët.

Ne i vlerësojmë profesionistët e kualifikuar, besnikë dhe të përkushtuar si asetin tonë më të çmuar prandaj, kërkojmë kandidatë të përshtatshëm për t’u bërë pjesë e skuadrës sonë në Departamentin SME në pozicionin:

Të udhëheqë, në nivel të Departamentit SME, implementimin e planit dhe objektivave të Strategjisë ESG të Bankës, duke i integruar ato në strategjinë e Departamentit, zhvillimin e produkteve, procesin e kreditimit, menaxhimin e portofolit dhe marrëdhënien me klientët biznes. Pozicioni është pika përgjegjëse për përkthimin e kuadrit ESG të Bankës në iniciativa, procese, kritere, objektiva, KPI dhe rezultate të matshme për SME-në; koordinon zbatimin ndërfunksional, monitoron progresin dhe siguron raportim të plotë për Departamentin SME dhe strukturat drejtuese të projektit ESG në Bankë.

Detyrat

• Vepron si përgjegjës dhe pikë koordinimi e Departamentit SME për implementimin e planit ESG dhe
• përfaqëson Departamentin në projektin e hartimit dhe zbatimit të Strategjisë ESG të Bankës.
• Në bashkëpunim me Drejtorin e Departamentit SME dhe ekipin e projektit ESG, përkthen objektivat
• strategjike të Bankës në plan pune të dedikuar për biznesin, me iniciativa, prioritete, përgjegjësi, afate,
• burime, varësi dhe KPI të matshme.
• Kontribuon me ekspertizë të specializuar në grupet e punës të Strategjisë ESG të Bankës, duke paraqitur
• nevojat, karakteristikat e portofolit dhe mundësitë e zhvillimit te biznesit dhe produkteve kreditore.
• Zhvillon produkte dhe oferta të financimit të qëndrueshëm për klientët biznes, përfshirë financime të
• gjelbra dhe sociale, eficiencë energjetike, energji të rinovueshme, digjitalizim, përfshirje sociale dhe
• skema të mbështetura nga partnerët.
• Ndërton dhe monitoron pipeline-in e financimeve ESG në portofolin SME, mbështet CRM/BM në
• identifikimin e mundësive te klientët ekzistues dhe potencialë dhe zhvillon qasje këshilluese për
• investimet dhe tranzicionin e qëndrueshëm të klientëve.
• Koordinon dhe monitoron implementimin në SME të linjave të kreditit, fondeve të garancisë dhe
• programeve të partnerëve kombetare e nderkombetare me komponent ESG, duke siguruar përputhjen
• me kushtet e programit, përdorimin efektiv të fondeve dhe raportimin sipas kërkesave.
• Monitoron KPI-të ESG të Departamentit SME, përfshirë volumin dhe numrin e financimeve të
• qëndrueshme, pipeline-in, sektorët e financuar, cilësinë e portofolit, përdorimin e programeve,
• indikatorët e ndikimit dhe nivelin e zbatimit të planit.
• Planifikon dhe zhvillon trajnime për CRM/BM dhe njësitë e përfshira mbi kriteret ESG, identifikimin e
• financimeve të pranueshme, komunikimin me klientin, përdorimin e mjeteve dhe kërkesat e raportimit.
• Mbështet projekte të tjera strategjike të Departamentit SME që lidhen me kreditimin, digjitalizimin dhe
• menaxhimin e klientëve, duke siguruar që kërkesat dhe objektivat ESG të integrohen që në fazën e
• konceptimit dhe të maten gjatë implementimit.

Kualifikimet

• Arsim i lartë në financë, ekonomi, administrim biznesi
• Vleresohet certifikim profesional i njohur në ESG, financë të qëndrueshme
• Minimumi 3 vite përvojë ne banking SME, kreditim biznesi ose institucione nderkombetare
• Njohuri të standardeve, metodologjive dhe kërkesave rregullatore të aplikueshme për ESG-në, riskun mjedisor e social, klimën dhe klasifikimin e financimeve të qëndrueshme.
• Njohje shumë e mirë e gjuhës angleze, me shkrim dhe me gojë.
• Aftësi të forta për koordinim me kolege te departamenteve te tjera,
• Njohuri të mira të paketës Microsoft Office;

Shënime

Mënyra e aplikimit

Kandidatët e interesuar duhet të paraqesin, brenda datës 09.10.2026:

• CV-në;
• letrën e shprehjes së interesit për pozicionin.

Dokumentet duhet të dërgohen në adresën e e-mailit: [email protected].

Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore dhe Kulturës Organizative.

Union Bank sh.a. deklaron se përpunon të dhënat personale të aplikantëve për qëllimet e administrimit të procesit të rekrutimit, mbështetur në Ligjin Nr. 124/2024 “Për mbrojtjen e të dhënave personale” dhe Udhëzimin Nr. 42 datë 22.07.2014 “Për përpunimin e të dhënave personale të kandidatëve për punë”. Të dhënat personale janë kryesisht të dhëna të kontaktit, të dhëna mbi arsimin, eksperiencën profesionale dhe çdo informacion tjetër të deklaruar nga vetë aplikanti në CV -të dhe dokumentacionin shoqërues.

Union Bank sh.a. zbaton masa teknike dhe organizative me qëllim që të garantojë ruajtjen e sigurisë së të dhënave personale që përpunon. Të dhënat ruhen vetëm për periudhën e nevojshme të përfundimit të procesit të rekrutimit dhe aksesohen vetëm nga personeli i autorizuar, i cili ka për detyrë të ruajë konfidencialitetin e të dhënave personale.

Individët që aplikojnë pranë Union Bank sh.a. informohen se të dhënat e tyre personale do të përpunohen nga Banka sipas përshkrimit të mësipërm.

Aplikantët kanë të drejtë të kërkojnë akses, korrigjim, fshirje, kufizim të përpunimit të të dhënave personale të tyre. Për të ushtruar këto të drejta ata mund të kontaktojnë në adresën e email: [email protected]