Përshkrimi i kompanisë

SHKK "FED invest" është një institucion financiar i ndërtuar mbi parimet kooperative. Misioni ynë është që të ofrojmë gamë të gjerë produktesh dhe shërbimesh financiare, veçanërisht ndaj popullsisë që jeton në zonat rurale të Shqipërisë, me qëllim rritjen e përfshirjes financiare dhe reduktimin e përgjithshëm të varfërisë. Ne operojmë në mënyrë miqësore, duke përdorur teknologji bankare moderne.

Shoqëri Kursim -Krediti "FED invest", Tiranë me licencë Nr.102, datë 27.11.2002, ka të drejtën të ushtrojë veprimtarinë e lejueshme në përputhje me ligjin nr. 8782, datë 03.05.2001 për Shoqëritë e Kursim-Kreditit, i ndryshuar, si vijon:

1 - të marrë depozita me ose pa interes vetëm nga anëtarët e shoqërisë së kursim kreditit,
2 - t'iu japë hua vetëm anëtarëve të shoqërisë së kursim kreditit si dhe të përcaktojë afatet dhe kushtet që shoqërojnë huatë.