Hyrje në Teknologji organizuar nga Holberton Albania

Seria e eventeve “Hyrje në Teknologji” u organzua nga Holberton Albania për studentët e alumnit e Holberton dhe të interesuarit në teknologji, dhe kishte si qëllim kryesor transmetimin e vlerave të njohurive praktike tek të rinjtë, bazuar në historitë e suksesit të profesionistëve në teknologji.

I ftuar ishte Z. Dritan Mezini bashkë-themelues i duapune.com dhe CEO i DM Consulting Services.

Dritan Mezini, një ndikues kryesor në fushën e teknologjisë në Shqipëri, shquhet për kontributin e tij në transformimin dixhital, inovacionin e tregtisë elektronike dhe menaxhimin e projekteve në teknologji. Me një karrierë të pasur dhe përvojë të gjatë në këtë fushë, ai është një burim frymëzimi për të gjithë ata që janë të interesuar të zhvillojnë një karrierë të suksesshme në këtë sektor.

Pjesëmarresit ishin studentët e programit “Foundation - Bazat e Shkencave Kompjuterike” të cilët vijnë nga sfera të ndryshme të jetës dhe 80% kanë zgjedhur Holberton si rrugën drejt ndryshimit të karrierës (karriera te mëparshme: juridik, financa, shkolla e mesme e përgjithshme, IT/inxhinieri elektrike) dhe kanë mësuar në mënyrë praktike teknologjitë C dhe Python.

Rreth Holberton School Albania:

Holberton School është themeluar në Silicon Valley, San Francisko, SHBA në vitin 2016, duke ofruar një lloj të ri edukimi dhe duke u fokusuar në cilësinë e lartë dhe aksesueshmërinë, për t’i treguar botës se me mjetet dhe metodologjinë e duhur, kushdo me vullnet mund të bëhet programues dhe zhvillues softueri i një niveli të lartë, përmes një kurrikule inovative të ndërtuar në Silicon Valley.