Aftësitë për të patur sukses pas Covid-19

COVID-19, tregoi se shumë punonjës anë e mbanë globit nuk kishin aftësitë kryesore për të punuar në distancë / online dhe sidomos aftësitë digjitale. Si rrjedhim i ndryshimeve që solli COVID-19 në mënyrën e të punuarit, përgatitja e këtyre aftësive është bërë pjesë kritike e reagimit dhe rimëkëmbjes anë e mbanë botës.

Pandemia nxorri në pah më shumë se anjëherë tjetër, nevojën për të zotëruar aftësitë bazë të teknologjisë dhe aksesin për të bërë punën në distancë.

Pamja aktuale post pandemisë është disi e zymtë. Ka ndryshuar shumë mënyra e menaxhimit të biznesit dhe rrjedhimisht edhe strategjitë e menaxhimit të burimeve njerëzore. Por sidoqoftë, rimëkëmbja do të vijë, kështu që çfarë duhet të bëjmë për t'u siguruar që do të mund t'i kthehemi punës më të përgatitur?

• Ekzistojnë katër hapa që punonjësit dhe bizneset mund të ndërmarrin sot për t'u përgatitur për një të nesërme të pa sigurtë:

1. Përshpejtoni lëvizjen në platformë,
2. Kaloni në punë dixhitale / virtuale,
3. Vlerësoni aftësitë dhe zgjerojini sipas nevojës,
4. Planifikoni për të ardhmen.

1. Përshpejtoni lëvizjen/kalimin në platformë online

Një nga efektet më të menjëhershme ekonomike të COVID-19 është përshpejtimi i përpjekjeve që bizneset, qeveritë dhe individët tashmë po bëjnë jo vetëm për të dixhitalizuar, por edhe për të kaluar në një model platforme.

Jo të gjithë sektorët janë plotësisht të përshtatshëm për modelin e platformës, por shumë industri dhe kompani që nuk kanë filluar të zhvillohen në atë drejtim do të detyrohen ta bëjnë shumë më shpejt. Si individ, nëse zotëroni një biznes duhet të eksploroni mundësitë e adoptimit të një modeli biznesi platforme ose partneriteti me një platformë dhe duhet të përgatiteni për të konkurruar me ta. Dhe të gjithë ne - qofshim pronarë apo punonjës - duhet të studiojmë platforma për të kuptuar se si ato ndikojnë në jetën tonë, punën tonë dhe të ardhmen tonë.

2. Kalimi në punë dixhitale / virtuale

Kërkesa që ne të angazhohemi plotësisht në fushën virtuale tani po shtyn njerëzit në shumë fusha të biznesit të mësojnë jo vetëm aftësi dixhitale, por edhe për të përmirësuar aftësitë ndihmëse të tilla si bashkëpunimi, zgjidhja krijuese e problemeve dhe të qenit të hapur ndaj ideve të reja. Për shembull, menaxherët dhe drejtuesit e ekipeve duhet të mësojnë se si të motivojnë dhe angazhojnë ekipet nga larg.

Në punë, gjithçka që mund të bëhet në internet do të bëhet, ndërsa aktivitetet që nuk mund t'i bëjmë në distancë do të duhet të rikonfigurohen disi.

3. Vlerësoni aftësitë tuaja dhe zgjerojeni sipas nevojës

Ndërsa njerëzit po mësohen me ndryshimet në ritmin e jetës së përditshme në një botë ku puna dhe jeta personale po ndodhin në një hapësirë ??të përbashkët, ata mund dhe duhet të vlerësojnë aftësitë e tyre dixhitale. Nëse keni humbur punën tuaj si rezultat i COVID-19, kjo ju ofron një mundësi për të përvetësuar aftësi ose për të mësuar aftësi të reja. Këto aftësi mund të merren duke ndjekur trajnime online,ëebinare, kurse online etj. Nëse keni vështirësi në aksesimn e mjeteve dhe përdorimin e teknologjisë, kërkojini ndihmë një miku/kolegu.

4. Planifikoni për të ardhmen

Planifikimi për të ardhmen në kohë të pasigurta është i ndërlikuar në rastin më të mirë, por mund të bëni një planifikim personal të ngjashëm me mënyrën se si bizneset vendosin strategjinë. Kryesorja është të filloni të mendoni se ku do të ekzistojë kërkesa për punë dhe si të përgatiteni më mirë për ato hapësira pune të reja. Ndiqni portalet online si duapune.com dhe vlerësoni kriteret apo kualifikimet në pozicionet përkatëse të punës.

Dhe, në kohë të tilla si këto, është gjithmonë këshillë e mirë të informoheni për trendet apo për profesionet e së ardhmes. Në mënyrë që të filloni të planifikoni dhe të merrni njohuri të reja që tani.

“Miku juaj për punë dhe karrierë” – duapune.com