Përshkrimi

Neptun shpk është lider i shitjes me pakicë në sektorin e elektronikës konsumatore dhe elektroshtëpiakeve, pjesë e Grupit BALFIN. Që nga themelimi i tij në 1993, Neptun ka krijuar partneritete të qëndrueshme me marka të mirënjohura ndërkombëtare të teknologjisë, duke u ofruar konsumatorëve një gamë të gjerë prej mbi 7,500 produktesh si një rishitës i autorizuar. Përveç një rrjeti prej 30 dyqanesh fizike, kompania është pioniere e tregtisë elektronike në Shqipëri. Neptun është gjithashtu i pranishëm në Maqedoninë e Veriut (që nga viti 1998) dhe Kosovë (që nga viti 2007).
Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson mbi 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Pozicioni: Operator i porosive online

Departmenti: E-Commerce

Vendodhja: Neptun Kristal, Tiranë

Fokusi kryesor i poziciont është përpunimi në kohë reale i porosive në online dhe perditësimi i statusit aktual të porosive në Platformën Web.

Detyrat

• Përgjegjësia për ekzekutim në kohë reale të porosive të klientëve dhe ofrim të shërbimit cilësor ndaj tyre.
• Ne kontakt me klientin për të sugjeruar produkte alternative ose shoqëruese të produktit të porositur.
• Verifikimi i stokut në dyqanin përkatës.
• Ndjekja dhe zbatimi i udhëzimeve për përditesimin e statuseve në platformën zyrtare.
• Organizimi i dërgesave dhe adresimi i faturës në magazinë.
• Menaxhimi i dërgesave dhe regjistrimi i të dhënave në sistem të palëve të treta për dërgesat.
• Të njoh dhe monitoroj shumë mirë statusin e dërgesës dhe rialokimit në destinacione të produkteve të tjera
• Organizim dhe komunikim për përpunimin e dërgesës në bazë të afateve të përcaktuara.

Kualifikimet

• Diplomë Bachelor, (Master është avantazh).
• Minimumi 2 vite përvojë pune në shitje online.
• Njohuri të mira të gjuhës angleze.
• Te jetë energjik dhe të pëlqej punën e tidj/saj.
• Të jetë i/e sjellshëm dhe me vetëbesim.
• Të gatshëm për të punuar nën presion dhe në situata sfiduese.
• Të jetë kreativ në punën e tij/saj.
• Niveli i lartë i integritetit dhe ndershmërisë.
• Aftësia për të ruajtur konfidencialitetin.
• Aftësia për të punuar në mënyrë të pavarur dhe në ekip
• Të jetë i orientuar drejt suksesit dhe rezultatave te larta.
• Të jetë i aftë në komunikim, bindje dhe negocim.

Shënime

Kushtet e punës: Neptun ofron një paketë përfitimesh tërheqëse, duke përfshirë një pagë të drejtë bazuar në merita dhe vlerësimin e performancës.

Procedura e aplikimit: Kandidatët e interesuar mund të dërgojnë CV e tyre në adresën [email protected] ose kontaktoni ne WhatsApp ne numrin 068 900 0089.


* Të gjitha aplikimet do të trajtohen me konfidencialitet të rreptë sipas ligjit nr.9887 të vendosur nga Kuvendi i Shqipërisë për “Mbrojtjen e të Dhënave Personale”.