Përshkrimi

Themeluar në 2019, DIMAL INC është një kompani inovative e specializuar në përpunimin e mishit dhe nënprodukteve të tij. Çdo fillim ka një histori, në këtë rast janë puna dhe pasioni i themeluesit  për cilësinë dhe shijen e cila është kthyer në moton e kompanisë “Pasion dhe shije”.

Tek DIMAL INC, ne vlerësojmë talentin dhe besojmë se është kyç për suksesin tonë. Ftojmë të gjithë ata që kanë pasion inovacionin dhe cilësinë të bashkohen me ekipin tonë dhe të ndihmojnë në misionin tonë për të sjellë më të mirat në tryezat e shqiptarëve.

diMal INC  kërkon të punësojë: Menaxher/e Marketingu.

Detyrat

• Hartimi dhe zbatimi i planeve strategjike për promovimin e produkteve të mishit dhe rritjen e pranisë së markës në treg.
• Menaxhimi i marrëdhënieve dhe koordinimi i fushatave marketing të zhvilluara nga agjencia e jashtme, duke siguruar që të respektohen afatet dhe standardet e cilësisë.
• Koordinimi i zhvillimit dhe përmirësimit të etiketave të produkteve dhe paketimit për të siguruar që ato përmbushin kërkesat e rregulloreve dhe janë në përputhje me strategjinë e markës.
• Bashkëpunimi me departamentet e prodhimit, shitjeve dhe zhvillimit të produkteve për të siguruar që informacioni dhe strategjitë e marketingut janë të përputhura me nevojat dhe objektivat e përgjithshme të kompanisë.
• Monitorimi dhe analiza e rezultateve të fushatave të marketingut, duke raportuar mbi përformancën dhe efektivitetin e tyre, si dhe duke sugjeruar përmirësime.
• Planifikimi dhe ekzekutimi i fushatave promocionale, reklamave dhe materialeve të tjera të marketingut për të arritur audiencën e synuar.
• Kryerja e analizave dhe hulumtimeve të tregut për të identifikuar trendet e konsumatorëve, konkurrencën dhe mundësitë e reja për zgjerimin e biznesit.
• Vlerësimi i konkurrencës përmes krahasimit në nivel lokal dhe ndërkombëtar
• Mbikëqyrja dhe krijimi i përmbajtjes marketing (p.sh. për faqen e internetit, media sociale, broshura, dhe materiale të tjera promocionale).
• Menaxhimi i fondeve të dedikuara për marketing dhe sigurimi që fushatat të jenë brenda buxhetit të përcaktuar.
• Organizimi dhe menaxhimi i pjesëmarrjes së kompanisë në evente, ekspozita dhe panaire për të promovuar produktet dhe për të zgjeruar rrjetin e klientëve.

Kualifikimet

• Diplomë universitare në Marketing, Administrim Biznesi, ose fusha të ngjashme.
• Përvojë e mëparshme në marketing, përparësi përvoja në industrinë ushqimore ose në shitjen e nënprodukteve të mishit.
• Aftësi të shkëlqyera në koordinimin e projekteve dhe menaxhimin e palëve të treta (agjenci marketingu).
• Njohuri të mira të platformave të marketingut dixhital dhe medias sociale.
• Aftësi të forta analitike dhe hulumtuese për të përcjellë tregun dhe për të analizuar të dhënat e performancës së fushatave.
• Aftësi të mira komunikimi dhe ndërtimi të marrëdhënieve me partnerë dhe klientë.
• Aftësi për të menaxhuar buxhete dhe për të zhvilluar raporte për analizën e ROI-së (kthimit nga investimi).

Shënime